कैलालीको सुपली खोलामा बगेर एक महिला बेपत्ता भएकी छिन । मोहन्याल गाउँपालिका वडा नं. ४ की २५ वर्षीय कल्पना बम हिजो खोलामा बगेर बेपत्ता भएकी हुन् ।

उनी मोहन्याल गाउँपालिका वडा नं. ५ मा रहेको माइतीघरबाट फर्कदै गरेकी बम वडा नम्बर ४ स्थित सुपली खोला तर्ने क्रममा बगेर बेपत्ता भएको प्रदेश प्रहरी कार्यालय धनगढीले जनाएको छ ।

बमको खोजीका लागि इलाका प्रहरी कार्यालय पण्डौन कैलालीबाट प्रहरी टोली खटिएर खोजतलास भइरहेको जनाएको छ ।