टीकापुर, २७ श्रावण
टीकापुर साना शहरी खानेपानी उपभोक्ता तथा सरसफाई संस्थाको अध्यक्षमा नरेशकुमार खत्री भारी मतान्तरले विजयी भएका छन । उनले प्रतिस्पर्धी प्रकाश बुढाथोकी भन्दा झण्डै चार गुणा बढी मत प्राप्त गरेका छन ।

निर्वाचन अधिकृत काँसिराम ढुड.गानाका अनुसार खत्रीले १ हजार २०५ मत प्राप्त गरेका छन भने बुढाथोकीले ३७२ मत प्राप्त गरेका छन । हिजो सम्पन्न निर्वाचनमा २ हजार २ सय ६८ मत खसेको थियो भने ६ सय ९१ मत बदर भएको छ ।

कार्य समितिको सचिवमा भने बुढाथोकी प्यानलका मनिष बलायर विजयी भएका छन । उनी प्रतिस्पर्धी चक्र तिमिल्सिना भन्दा २८ मत बढी ल्याएर विजयी भएको निर्वाचन अधिकृतले जानकारी लिएका छन । बलायरले ७२९ र तिमिल्सिनाले ७०१ मत पाएका छन ।

त्यस्तै कोषाध्यक्षमा खत्री प्यानलका विश्राम चौधरी ६०३ मत ल्याएर विजयी भएका छन । उनका निकटतम प्रतिस्पर्धी बुढाथोकी प्यानलका हिरासिँह बिष्टले ४७२ र स्वतन्त्र लडेका मोतिसिँह खत्रीले ३१४ मत पाएका छन ।

सदस्यहरुको मत गणना भैरहेको छ । कार्य समितिको उपाध्यक्षमा भने यसअघि नै सृजना शर्मा पण्डित निर्विरोध निर्वाचित भैसकेकी छन । उनी खत्री प्यानलका तर्फबाट उम्मेदवार रहेकी थिईन ।